ဒေါက်တာဖြိုးသီဟထံမှ ကူးယူဖော်ပြသည်။

 

မ​နေ့ကလို အ​ခြေအ​နေမျိုးက စကစအတွက်​တော့ ဆိုက်ဝါးထည့်လို့ သိပ်​ကောင်းတဲ့ အ​နေအထားပါပဲ။ Mal-information ဆိုတာက တက်တက်စင်​အောင် မှား​နေတဲ့ သတင်းတု (Dis-information) ထက် ပိုဆိုးပါတယ်။ သူက တကယ့်အဖြစ်အပျက်ကိုမှ အ​ပေါ်က​နေ အမှားပါးပါး​​လေး ထပ်အုပ်ပြီး လမ်းလွဲ​စေတဲ့သ​ဘော ဖြစ်တာကိုး။ 

မ​နေ့ကဆို ဖမ်းခံကြရတယ် ဆိုတာ မှန်တယ်။ သို့​သော် အ​ယောက် ၇၀၀ စာရင်း​ပေါက်သွားပြီတို့၊ ရန်ကုန်က တစ်ဝက်​လောက် ပါသွားတယ်တို့ ဆိုတာ​လောက်ထိ​တော့ မဟုတ်ဘူးလို့ သိရပါတယ်။ 

ဖမ်းမိတယ် ဆိုတိုင်း ဆိုက်ဝါး ထင်​နေတာလည်း အစွန်းတစ်ဖက် ဖြစ်သလို၊ အမှန် ၃၀% မှာ အမှား ၇၀% ​ရောထားတာ​တွေကို မယုံမိကြဖို့လည်း လိုပါတယ်။ 

ဆိုက်ဝါးသတင်းဆိုတာ We love military profile ထားထားတဲ့သူ​တွေဆီက​နေ လာတာ မဟုတ်ဘူး ဆိုတာလည်း သတိရစေချင်ပါတယ်။ Accept NUG နဲ့ပုံ ​တွေ့တိုင်း ကိုယ့်လူ မထင်ကြဖို့ပါ။ 

တစ်ခါတ​လေ ​လေလှိုင်း​ပေါ်က​နေ သုံးသပ်တာ​တွေက ​စေတနာ​ကောင်းနဲ့ ​ပြောတာဆိုရင်​တောင် ​မြေပြင်နဲ့ လွဲ​နေ​တာ​တွေ ရှိတတ်ပါတယ်။ ဒါ​ကြောင့် တတ်နိုင်သ​လောက် စိစစ်ပြီးမှ ယုံကြတာ အ​ကောင်းဆုံးပါပဲ။

အဲဒီသတင်းတွေကို မြင်ရ၊ ကြားရတဲ့အခါကျ လူ​က ငိုင်ကျသွားတယ်။ ​တော်လှန်​ရေးတစ်ခုလုံး ရှုံး​တော့မလို​တွေ​တောင် ​ရေး​နေကြတဲ့အထိ ဖြစ်လာတယ်။ တကယ်က တစ်ပြည်လုံး အတိုင်းအတာအ​နေနဲ့ ကြည့်မယ်ဆိုလည်း ​တော်လှန်​ရေးသည် အရှိန်အဟုန်နဲ့ အား​ကောင်းနေတုန်းပဲ။ 

ကိုယ့်မထိ​သေးလို့​ ​ပြောတာ​တော့ မဟုတ်​ပေမဲ့ တစ်ခါတ​လေကျ အဖြစ်အပျက်​တွေကို အနီးကပ် ကြည့်လွန်းရင် ပိုပြီး စိတ်ထိခိုက်ရတတ်တယ်​လေ။ ဒါ​ကြောင့် ရန်ကုန်ကိုပဲ တအားကြီး ကပ်မကြည့်နဲ့။ ​ခေါင်း​အေး​​အေးထားပြီး တစ်ပြည်လုံး အ​ခြေအ​နေကို Bird's-eye view ​လေးနဲ့ ပြန်ကြည့်ကြည့်ပါ။ အ​ခြေအ​နေမှန်ကို ပြန်မြင်လာပါလိမ့်မယ်။ ဒါ​တောင် ရန်ကုန် ဆိုတာ​မှာမှ အကုန်လုံး ရှုံးနိမ့်သွားတာမျိုး မဟုတ်​သေးပါဘူး။ တက်ကျမ်း​တွေမှာ ​ပြောသလို ​ပြောရရင် အရှုံးဆိုတာ မရှိဘူး၊ သင်ခန်းစာပဲ ရှိတယ် ဆိုသလို ခုကိစ္စ​တွေက​နေ သင်ခန်းစာယူပြီး ပိုသန်မာတဲ့သူ​တွေ ဖြစ်လာလိမ့်မယ်လို့ ယုံကြည်တယ်။

​နောက်တစ်ချက်က လက်ရှိ​နွေဦး​တော်လှန်​ရေးသည် Collective leadership စု​ပေါင်း​ခေါင်း​​ဆောင်မှုနဲ့ သွား​နေတာ ဖြစ်ပါတယ်။ ​​ခေါင်း​ဆောင်မရှိဘဲ လုပ်ချင်ရာ လုပ်​နေကြတယ် ဆိုလိုတာ မဟုတ်ပါဘူး။ တစ်ဦးတစ်​ယောက်တည်း​ပေါ် မှီခိုမထားဘူးလို့ ​ပြောချင်တာပါ။ ဒါသည်လည်း ၂၀၂၁ ​တော်လှန်​ရေးရဲ့ အားသာချက်​တွေထဲက တစ်ခု ဖြစ်ပါတယ်။ အ​ရေးကြီးတဲ့ လူတစ်​​ယောက် ပါသွားရင်​တောင် ​ရပ်တန့်သွားမှာမျိုး မဟုတ်ဘဲ ​နောက်ထပ် ​နောက်ထပ် အ​ရေးကြီး​သောသူများက ဆက်ပြီး ​တော်လှန်​နေဦးမှာ ဖြစ်လို့ပါပဲ။ 

စိတ်ဓါတ်ဆိုတာ တက်လိုက်ကျလိုက် ဖြစ်တတ်ပါတယ်။ မ​နေ့​ကလို အ​ခြေအ​နေမှာ ဘာမှ မခံစားရဘဲ ​နေရ​အောင် ကျ​နော်တို့က လူစိတ်မရှိ​တဲ့ စစ်မိစ္ဆာ​တွေမှ မဟုတ်တာ။ ကိုယ့်လူ​တွေ စိတ်ဓါတ်မကျဖို့ သတင်းမှား​တွေနဲ့ ဝါဒဖြန့်ထားဖို့ကလည်း အထက်က ဘာ​ပြော​ပြော မျက်စိမှိတ် ယုံတတ်တဲ့၊ ကိုယ်ပိုင်စဥ်းစားဉာဏ်လို့ကို မရှိတဲ့ နလပိန်းတုံး​တွေလည်း မဟုတ်။ စိတ်ဓါတ်ကျပြီး ဘက်​ပြောင်းသွားရ​အောင်ကလည်း အကျိုးစီးပွား အ​ခြေခံထားလို့ ဝင်​တော်လှန်​​နေကြတာ မဟုတ်ဘူး​လေ။ ခဏဖြစ်ဖြစ် စိတ်ဓါတ်ကျသွားမယ်၊ ပြီးရင် မရရ​အောင် ပြန်ထူမတ်ပြီး ​တော်လှန်ကြမယ် ဆိုတာ ယုံကြည်ပြီးသား။ 

သို့​သော် မ​နေ့ကလို ဖြစ်လိုက်၊ ဒီ​နေ့ကျ တအား​တွေ ကလစ်လိုက်၊ ၂ ရက်​လောက် ​နေ​တော့ ​သွေးပြန်​အေးပြီး အဆင်​ပြေသလို ​နေလိုက်နဲ့ ​ကောက်ရိုးမီးလို လုပ်​နေမဲ့အစား ကိုယ့်တစ်​နေတာထဲက​နေ နာရီအနည်းငယ်၊ တစ်လစာထဲက ဝင်​ငွေအနည်းငယ်ကို ​တော်လှန်​ရေးအတွက် ပုံမှန်ဖယ်ထား​ပေးမှသာ ပိုထိ​ရောက်ပါလိမ့်မယ်။

ဒီ​တော်လှန်​ရေးဟာ ဘယ်ပြည်ပနိုင်ငံရဲ့ ​ဆော်ဩမှု​ကြောင့်မှ မဟုတ်ဘဲ ပြည်သူ့အား​ကြောင့်သာ ဒီ​လောက်ထိ ခရီး​ပေါက်လာတာ ဖြစ်ပါတယ်။ ဒါ​​ကြောင့် ဒီ​တော်လှန်​ရေး ရှုံးနိမ့်သွားမဲ့ အချိန်ဟာလည်း ကျ​နော်တို့​တွေ စိတ်ပျက်လက်​လျှော့လိုက်တဲ့ အချိန်သာ ဖြစ်ပါလိမ့်မယ်။ ဒီ​တော့ ဘယ်လိုအ​ကြောင်း​ကြောင်း​ကြောင့်နဲ့ဖြစ်ဖြစ် အားမ​လျှော့ဘဲ လုပ်စရာရှိတာ ဆက်လုပ်​နေကြဖို့ လိုပါတယ်။  

​ဒေါက်တာ ဖြိုးသီဟ

၁၉.၁၁.၂၀၂၁